Mae THÉÂTRE MAAT o Wlad Belg yn arbenigo mewn theatr gerddorol i gynulleidfaoedd ifanc. Mae’r darn moethus, prydferth a lliwgar hwn am deulu o angylion – yn fam a thad ac angel bach, ac am ddatblygiad y babi angel wrth iddo baratoi i adael y nyth. Mae’n ddarn tyner o theatr sy’n cofnodi camau mawr bywyd – geni, llencyndod a mentro allan ar eich pen eich hun, a’r emosiynau a ddaw yn sgil hynny. Cyfleïr hyn oll trwy wên, ystum a cherddoriaeth hynod brydferth y ffidil a’r trombôn. Perfformir ar gwmwl o drampolinau gyda cherddoriaeth ond dim geiriau – ysbaid o fwynhad i’r teulu cyfan.

oedran: 3+ (5-7 ar gyfer grwpiau ysgol)
hyd: 45 munud